WATU 500 wameugua ugonjwa wa matumbo
na kuharisha katika kata ya Lupilo wilaya ya Ulanga mkoani Morogoro kutokana na
tatizo la maji.
Mganga mfawidhi katika kituo cha
afya cha Lupilo Beltod Malongo amesema hayo Novemba 19 mwaka huu wakati
alipokuwa akizungumza na viongozi wa chama cha mapinduzi CCM waliotembelea katika kituoni hapo kujionea huduma za afya.
Aidha Dk huyo alisema kuwa watu hao
wameugua magonjwa hayo katika kipindi cha mfululizo wa miezi 3 kuanzia Septemba
hadi sasa ambapo amesema kuwa magonjwa hayo husababishwa na ukosefu wa maji
safi na salama.
Dk huyo amesema kuwa tatizo hilo pia
limekuwa likiathiri utendaji kazi katika kituo hicho kutokana na kwamba mtoa huduma anatakiwa
kutumia maji safi kabla na baada ya kuwahudumia wagonjwa jambo ambalo katika
kituo hicho ni kikwazo.
Kwa upande wa wakazi wa kata hiyo
wamesema kuwa tatizo hilo ni kubwa na kwamba kama serikali haikuchukua hatua za
makusudi wananchi hao wataendela kutaabika na kupata magonjwa ya milipuko mara
kwa mara.
Mmoja wa wakazi wa kata hiyo Said
Liepa amesema kuwa kwa sasa dumu la lita 20 ya maji wananunua kwa shilingi
500 kiasi ambacho wananchi wa kipato
kidogo wanashindwa kumudu na hivyo kutumia maji ya madimbi ambayo si salama.
Kwa upande wake mwenyekiti wa
halmashauri ya wilaya ya Ulanga Furaha
Lilongeli amesema kuwa tayari serikali imeshaanza kutekeleza mradi wa maji
katika kata hiyo ambao ni ahadi ya rais Kikwete wakati alipotembelea katika kata hiyo na kuambiwa
kero hiyo na kuahidi kuitatua.
Amesema kuwa mradi huo unagharimu kiasi cha shilingi milioni 396.8
na kwamba kwa sasa upo katika hatua za mwisho na ujenzi wa matank ya maji.
Katibu wa chama cha Mapinduzi mkoa
wa Morogoro Rojas Romuli ameutaka uongozi wa halmashauri ya wilaya ya Ulanga
kuhakikisha inatatua tatizo la maji kwa kukamilisham radi mkubwa wa maji
unaojengwa katika kata hiyo haraka iwezekanavyo ili kunusuru maisha ya watu hao,
Mwisho
Hakuna maoni:
Chapisha Maoni