MWANAFUNZI wa kidato cha tatu katika shule ya
Sekondari Mwandege mkoani Pwani Samuel Aliko (18), amefariki dunia baada ya maji
aliyokuwa akiogelea katika maporomoko ya Sanje wilayani Kilombero mkoani
Morogoro kumshinda nguvu.
Kwa mujibu wa kamanda wa polisi mkoani hapa Leonard
Paulo tukio hilo lilitokea Agosti 2 mwaka huu, saa 7 mchana katika eneo la
Sanje tarafa ya Kidatu wilayani Kilombero.
Kamanda Paulo alisema kuwa kwa mujibu wa mwalimu wa
shule hiyo Shauri Abel (33) mkazi wa Pwani alidai kuwa akiwa kwenye mafunzo na
wanafunzi wake wakiogelea kwenye maporomoko hayo ya Sanje ndipo mwanafunzi huyo
alifariki dunia baada ya maji kuzidi nguvu.
Kamanda huyo alisema kuwa chanzo cha ajali hiyo ya
maji ni maji kumshinda nguvu na kwamba uchunguzi zaidi unaendelea.
Wakati huo huo mlinzi mmoja Pius Mbuya (45) mkazi wa
mlali wilayani Mvomero amefariki dunia baada ya kugongwa na gari wakati akivuka
barabara.
Kamanda Paulo alisema ajali hiyo iliyokea agosti 3
mwaka huu, saa 1:45 usiku katika eneo la njia panda ya kichangani barabara ya
zamani ya Dar es salaam.
Alisema, gari lenye namba za usajili T 444 CKK
iliyokuwa ikiendeshwa na Selestina Nkelehe (43) mkazi wa DSM ikitokea Bigwa
kwenda mjini kati ilimgonga mlinzi huyo ambaye alikuwa amepanda baiskeli na
kusababisha kifo chake papo hapo.
Alisema kuwa mtuhumiwa amekamatwa na chanzo cha
ajali hiyo ni mwendo kasi wa gari hiyo.
Hakuna maoni:
Chapisha Maoni